పర్యావరణం లేనిదే మానవ మనుగడే లేదు..
ప్రపంచ పర్యావరణ దినోత్సవం..
మండపేట: ప్రతిఒక్కరూ మొక్కను నాటదాం పర్యావరణాన్ని కాపాడుదాం ప్రపంచ పర్యావరణ దినోత్సవాన్ని పురస్కరించుకుని శనివారం మండపేట మండలం ద్వారపూడి గ్రామం బంగారమ్మ కాలనీలో బిజెపి మండల కార్యదర్శి కంకటాల మురళీకృష్ణ ఆధ్వర్యంలో మొక్కలు నాటారు.
ముఖ్యఅతిథిగా మండపేట నియోజకవర్గ బిజెపి కన్వీనర్‌ కోన సత్యనారాయణ పాల్గొన్నారు. ఆయన మాట్లాడుతూ మానవాళి మేలుకోవాల్సిన సమయం వచ్చిందని ఆక్సిజన్ ఇచ్చే పచ్చని చెట్లను పెంచాలని అన్నారు.
ఇప్పటికైనా పకృతిని కాపాడుదాం, పర్యావరణాన్ని రక్షిద్దాం అంటూ ప్రతిజ్ఙ చేయించారు.
ఈ కార్యక్రమంలో ద్వారపూడి గ్రామస్తులు, వనితా క్లబ్ అధ్యక్షురాలు మద్దుల దుర్గా మహాలక్ష్మి , మద్దుల బాబి, కంకటాల కార్తికేయ, ముమ్మడి వీరనాగు, నాయుడు చిన్ని, కానూరి రాము, వాసవి, అంజలి, జ్యోత్స్నా, నవ్య విద్యార్థులు పాల్గొన్నారు.
