ఠాగూర్ 160వ జయంతి, అల్లూరి 97వ వర్ధంతి
ఘనంగా రవీంద్ర నాధ్ ఠాగూర్ 160 వ జయంతి..
ఘనంగా అల్లూరి సీతారామరాజు 97 వ వర్ధంతి..
మండపేట: విశ్వకవి రవీంద్రనాథ్ ఠాగూర్ 160వ జయంతి, మన్యం వీరుడు అల్లూరి సీతారామరాజు 97వ వర్ధంతి సందర్భంగా మండపేట బీజేపీ నియోజకవర్గ కన్వీనర్ కోన సత్యనారాయణ ఆధ్వర్యంలో శుక్రవారం పార్టీ కార్యాలయం వద్ద
ఠాగూర్, అల్లూరి చిత్రపటాలకు పూలమాలలు వేసి ఘనంగా నివాళులు అర్పించారు.
కోన మాట్లాడుతూ భారతదేశ జాతీయ గీతం జనగణమణ అందించిన కవి ఠాగూర్ అని, కవితల ద్వారా దేశభక్తి గేయాలతో ప్రజల్లో స్వాతంత్ర కాంక్షను రగిలించారని అన్నారు.
అల్లూరి సీతారామరాజు బ్రిటిష్ పాలకులను ఎదురించి సాయుధపోరాటం చేసిన మన్యం వీరుడని అన్నారు.
మహోజ్వల శక్తి సాయుధ పోరాటం ద్వారానే స్వాతంత్రం వస్తుందని నమ్మి ఆ లక్ష్యాల కోసం ప్రణాలర్పించిన మహా యోదుడని అన్నారు.
ఈ కార్యక్రమంలో రూరల్ మండల కార్యదర్శి కంకటాల మురళీకృష్ణ, జక్కా లక్ష్మీనారాయణ తదితరులు పాల్గొన్నారు.
