ఏడుపాయల వన దుర్గా భవాని అమ్మవారిని దర్శించుకున్న సీఎం కేసీఆర్ రాజకీయ కార్యదర్శి ఎమ్మెల్సీ శేరి సుభాష్ రెడ్డి
సీఎం కేసీఆర్ రాజకీయ కార్యదర్శి, ఎమ్మెల్సీ శేరి సుభాష్ రెడ్డి గారు ఏడుపాయల వన దుర్గా భవాని అమ్మవారిని దర్శించుకుని జాతర ఏర్పాట్లను సమీక్షించారు.
ఆలయానికి విచ్చేసిన ఎమ్మెల్సీ శేరి సుభాష్ రెడ్డి గారికి RDO సాయిరాం, ఆలయ ఈవో సార శ్రీనివాస్ మరియు సిబ్బంది పూర్ణ కుంభంతో ఘన స్వాగతం పలికారు.
అనంతరం ఎమ్మెల్సీ శేరి సుభాష్ రెడ్డి గారు విలేకరులతో మాట్లాడుతూ ప్రభుత్వం ఎంతో శ్రమించి జాతర ఏర్పాట్లను ఘనంగా నిర్వహిస్తున్నదని సీఎం కేసీఆర్ గారి ఆశీస్సులతో, మంత్రి వర్యులు హరీష్ రావు గారి సహకారంతో ఏడు పాయలను మరింత అభివృద్ధి చేస్తామని పేర్కొన్నారు.
ఈ కార్యక్రమంలో మండల పార్టీ నాయకులు ప్రశాంత్ రెడ్డి, కొత్తపల్లి సొసైటీ చైర్మన్ రమేష్, సర్పంచుల ఫోరమ్ అధ్యక్షుడు జగన్, మండల నాయకులు బాపా రావు, బాలా గౌడ్, కిష్టాగౌడ్, గౌస్, కుబేరుడు, సర్పంచులు వెంకట్ రెడ్డి, సంజీవ రెడ్డి, శ్రీకాంత్, శ్రీనాధ్ రావు, ఉత్సవ కమిటీ సభ్యులు, ఉపసర్పంచ్ అజయ్, ఇతర నాయకులు, కార్యకర్తలు పాల్గొన్నారు.
