వాసవిక్లబ్ ఒంగోలు సిటిజెన్స్ వేసవి సేవలులో భాగంగా పాదచారులకు ఓఆరెస్ డ్రింక్స్ పంపిణి.
ఒంగోలు: వాసవిక్లబ్స్ అంతర్జాతీయ అధ్యక్షులు శ్రీమతి శ్రీ వాసవియన్ తిరివీధి వేణుగోపాల్, వరలక్ష్మీ దంపతుల వివాహ వార్షికోత్సవము సందర్భముగా వాసవిక్లబ్ ఒంగోలు సిటిజెన్స్ వారిచే మండుటెండల్లో పాదచారులకు ఓఆరెస్ డ్రింకులను పంపిణి చేశారు.
వేసవి కాలం సేవా కార్యక్రమములో భాగముగా కార్యవర్గ సభ్యులు క్లబ్ అధ్యక్షులు తుమ్మపూడి ఏడుకొండలు, కార్యదర్శి పేర్ల మురళికృష్ణ, కోశాధికారి చిన్ని శ్రీనివాసులు ఆధ్వర్యములో గాంధీరోడ్డు నందు నిర్వహించబడుచున్న “వాసవి క్లబ్ ఒంగోలు సిటిజెన్స్ చలివేంద్రము” వద్ద శ్రీమతి శ్రీ మద్దాల ఆంజనేయులు రంగనాయకమ్మ దంపతుల దాతృత్వములో నేడు 23 ఏప్రిల్, శుక్రవారం మధ్యహాన్నం ఎండవేళ పాదచారులకు ఓఆరెస్ డ్రింక్స్ ను పంపిణి చేశారు.
ఈ సందర్భముగా అధ్యక్షులు తుమ్మపూడి ఏడుకొండలు మాట్లాడుచూ… సమాజసేవకు, అనాధ అభాగ్యులకు, ఆర్యవైశ్యుల అభివృద్ధికి అహర్నిశలు పాటుపడే వాసవిక్లబ్స్ అంతర్జాతీయ సేవా సంస్థ అధ్యక్షులు తిరివీధి వేణుగోపాల్ వరలక్ష్మీ దంపతులకు వివాహ వార్షికోత్సవ శుభాకాంక్షలు తెలుపుచున్నామని, మాచే నిర్వహించబడుచున్న చలివేంద్రమునకు మా సభ్యులే కాకుండా చేయూత అందిస్తున్న దాతలకు అమ్మ శ్రీ వాసవిమాత ఆశీస్సులు మెండుగ లభించాలని ఆకాంక్షించారు…
కరోనా మహమ్మారి అంతానికి మనమంతా ప్రభుత్వం సూచించిన జాగ్రత్తలు పాటిస్తూ, కరోనా రాకుండా ప్రతి ఒక్కరూ టీకా వేయించుకోవాలని విజ్ఞప్తి చేశారు.
కార్యక్రమములో తుమ్మపూడి ఏడుకొండలు, పేర్ల మురళికృష్ణ, చిన్ని శ్రీనివాసులు, గోపి మరియు వాసవిక్లబ్ ఒంగోలు సిటిజెన్స్ సభ్యులు పాల్గొన్నారు.
