ఖిలావరంగల్ నుండే చరిత్ర సృష్టిద్దాం..గ్రేటర్ ఎన్నికల్లో విజయం మనదే..
-ఎమ్మెల్యే నన్నపునేని నరేందర్..
ఖిలావరంగల్ నుండే చరిత్ర సృష్టిద్దామని ఎమ్మెల్యే నన్నపునేని నరేందర్ అన్నారు..
38 వ డివిజన్ టీఆర్ఎస్ అభ్యర్థిగా బైరబోయిన ఉమా దామోదర్ యాదవ్ నామినేషన్ వేస్తున్న సందర్బంగా ర్యాలీని ఎమ్మెల్యే నరేందర్ ప్రారంభించారు.
ఖిలా వరంగల్ అమరవీరుల స్థూపం వద్ద నివాళులర్పించి, బొడ్రాయి వద్ద ప్రత్యేక పూజలు నిర్వహించారు.
35 కోట్ల నిధులతో ఖిలా వరంగల్ అభివృద్ది చేసామని, బైరబోయిన దామోదర్ ప్రజల్లో ఉన్న వ్యక్తి, మీ కష్టసుఖాల్లో ఉన్న వ్యక్తి ఉమా దామోదర్ మరోమారు టీఆర్ఎస్ అభ్యర్థిగా మీ ముందుకు వస్తున్నారని వారిని ఆశీర్వదించాలన్నారు.
చరిత్ర కలిగిన ఖిలా వరంగల్ ను అన్నివిధాలుగా అభివృద్ది చేస్తామని, ఇక్కడ క్రీడా మైదానాన్ని ప్రభుత్వం ప్రత్యేక చొరవ తీసుకుని అభివృద్ది చేస్తున్నామన్నారు.
గతంలో లేని విదంగా డివిజన్ అభివృద్ది చేపట్టామన్నారు, ఖిలా వరంగల్ శంభులింగేశ్వర స్వామి ఆలయ చైర్మన్ గా గజ్జెల శ్యాంను ప్రకటిస్తున్నామన్నారు.
గ్రేటర్ ఎన్నికల్లో టీఆర్ఎస్ దే విజయమన్నారు. ఈ కార్యక్రమంలో డివిజన్ ముఖ్యనాయకులు, కార్యకర్తలు పాల్గొన్నారు.
