బొబ్బిలిలో మతిస్థిమితం లేని మహిళ
మెడలో తాళ్లు, దారాలతో ఇబ్బంది
సాయం చేసిన మహిళా హోంగార్డ్
విజయనగరం: మెడలో ఉరి బిగించినట్లు తాళ్లు.. మనకెందుకలే అనుకున్న జనం, అయ్యో పాపం అని పెద్ద మనసు చాటుకున్న హోంగార్డు.
జనాలు ఆమెను రోజూ చూస్తున్నా మనకెందుకులే అని వదిలేశారు. ఆమె మెడలో తాళ్లు, దారాలు మెడకు ఉరి బిగించినట్లుగా చుట్టుకుపోయాయి, ఒళ్ళంతా కప్పెసిన వాటితో సదరు మహిళ ఎంతో ఇబ్బందిపడుతోంది.
విజయనగరం జిల్లా బొబ్బిలిలో ఓ మహిళ సంచి పట్టుకుని తనలో తనే ఏదో మాట్లాడుకుంటూ తిరుగుతోంది. అప్పుడప్పుడు పాటలు పాడుకుంటూ వెళుతోంది.
ఆమే మెడ నిండా తాళ్ళు దారాలు ఉన్నాయి, జనాలు రోజూ ఆమెను చూస్తున్నా మనకెందుకులే అని వదిలేశారు. ఆ తాళ్ళు మెడకు ఉరి బిగించినట్లుగా ఉన్నాయి, వాటితో మహిళ ఇబ్బందిపడుతోంది.
అందరూ పాపం అంటున్నారే కానీ ఎవరూ వాటిని తొలగించే ప్రయత్నం చేయలేదు. ఆమె అలాగే వీధుల్లో తిరుగుతోంది.
ఆ మహిళను గమనించిన హోంగార్డు ఝాన్సీ రాణి వెంటనే స్పందించింది. స్థానికుల సాయంతో ఆమె దగ్గరకు వెళ్లింది. మాటలు చెబుతూ చాకుతో మెడలో ఉన్న తాళ్లు, దారాలు తొలగించింది.
మహిళ వివరాలపై ఝాన్సీ ఆరా తీసింది. ఏం చదువుకున్నావని ప్రశ్నిస్తే.. ఆరో తరగతి చదివానని.. తన పేరు జయలక్ష్మి అని సమాధానం ఇచ్చింది.
ఆమెకు ఓ నైటీ తీసుకువచ్చి డ్రెస్ చేసింది, కడుపునిండా భోజనం పెట్టి తన మంచి మనసును చాటుకుంది.
ఆమెను చూస్తే తన సాటి మహిళగా, కుటుంబ సభ్యురాలిగా అనిపించిందని హోంగార్డ్ ఝాన్సీ అన్నారు.
అందుకే ఈ సాయం చేశానన్నారు. మహిళకు సపర్యలు చేసిన హోంగార్డును అందరూ అభినందించారు.
