జీవీఎంసీ ఎన్నికలలో వైసీపీ భూస్థాపితం – తెలుగు శక్తి అధ్యక్షుడు బి.వి.రామ్
జీవీఎంసీ ఎన్నికలలో వైసీపీ భూస్థాపితం రావణ రాజ్యం వద్దు రామ రాజ్యం కావాలి 8న విశాఖలో భారీ బహిరంగ సభ తెలుగు శక్తి అధ్యక్షుడు బి.వి.రామ్
విశాఖ : ముఖ్యమంత్రి జగన్ కు తనకేసుల మాఫీకోసం చూపిస్తోన్న శ్రద్ద ఏపి భవిష్యత్తు పై లేదని తెలుగు శక్తి అధ్యక్షుడు బి.వి.రామ్.
ఈ నేపథ్యంలోనే జీవీఎంసీ ఎన్నికలలో అధికార వైసీపీని ప్రజలు భూస్థాపితం చేస్తారని జోస్యం చెప్పారు. తద్వారా అమరావతే ఏకైక రాజధానిగా వుండాలని జీవీఎంసీ ప్రజలు తీర్పుఇవ్వబోతున్నట్లు ఆయన పేర్కొన్నారు.
బుధవారం వీ.జే.ఎఫ్ ప్రెస్ క్లబ్ లో విలేకరుల సమావేశాన్ని ఏర్పాటు చేశిన రామ్,ఈ సందర్భంగా మాట్లాడుతూ గ్రేటర్ ఎన్నికల లో 98 టిడిపి గెలుచుకుంటే జగన్ ముఖ్యమంత్రి పదవికి రాజీనామా చేయగలరా? అని ప్రశ్నించారు.
రాష్ట్రంలో అరాచకపాలన నడుస్తోందని ఈ సందర్భంగా రామ్ దుయ్యబట్టారు. ప్రజలను పీడించే రావణుడిగా జగన్ మారారని వ్యాఖ్యానించారు. ఆనాడు రావణుడిని రాముడు సంహరిస్తే ఈనాడు జగన్ని రామ్ కొట్టబోతున్నారని వ్యాఖ్యానించారు.
తప్పుడు మనుషులే పార్టీ వీడి వెళ్లుతున్నారన్నారు. అధికారపార్టీ తెలుగుదేశం లో అప్పుడు గుణాలు ఉన్న వారిని కలుపుకుంటోందన్నారు
ప్రజలను మభ్యపెట్టి మోసం చేయాలనే ప్రయత్నం ఎంతో కాలం సాగదని ఈనెల 8న విశాఖలో భారీ బహిరంగ సభలో విజయసాయిరెడ్డి బండారం బట్టబయలు చేస్తానన్నారు.
ఏపిలో నిరుద్యోగిత, ధరలు పెరిగిపోతున్నాయని,
రాష్ట్రం ఆర్ధిక సంక్షోభంలో వుందన్నారు. ఈ నేపథ్యంలో కేంద్రం ఒక కమిటీ వేసి పరిస్ధితులను అధ్యయనం చేసి ఏపికి న్యాయం చేయాలని కేంద్రాన్ని కోరుతున్నానని అన్నారు.
ఈ విషయమై ఢిల్లీకి వెళ్లి రాష్ట్రంలో ఎదురవుతున్న పరిస్థితులను రాష్ట్రపతి, ప్రధానమంత్రి దృష్టికి తీసుకెళ్లే ప్రయత్నం చేశానన్నారు.