ఉవ్వెత్తున ఎగిసిన అభిమానం..
వైఎస్సార్సీపీ శ్రేణుల్లో ఉత్సాహం…
తోట ప్రచారానికి అనూహ్య స్పందన…
అడుగడుగునా నీరాజనం…
మండపేట:- మండపేట మున్సిపల్ ఎన్నికల్లో వై ఎస్ ఆర్ సి పి విజయం ఖాయమని మండపేట నియోజకవర్గ వై ఎస్ ఆర్ సి పి ఇంచార్జి తోట త్రిమూర్తులు పేర్కొన్నారు.
మండపేటలో శనివారం పలు వార్డుల్లో ఆయన ఎన్నికల ప్రచారం నిర్వహిస్తూ కార్యకర్తల్లో ఉత్సాహం రెట్టింపు చేశారు.
అభిమానులు ఎగసి పడే కెరటంలా ఆయన ప్రచారంలో అండగా నిలిచారు. తోట త్రిమూర్తులు ప్రచారానికి అనూహ్య స్పందన లభిస్తుంది. అడుగడుగునా ప్రజలు బ్రహ్మరథం పడుతున్నారు.
ఈ జన సంద్రంలో ఆయన జన నిరాజనాలు అందుకున్నారు.
ఈ సందర్భంగా 13 వ వార్డు అభ్యర్థి పిల్లి గణేశ్వరరావుతో కలిసి ఎన్నికల ప్రచారం నిర్వహించారు.
తోట త్రిమూర్తులు మాట్లాడుతూ మండపేట చరిత్రలో ఈ ఎన్నికలు సువర్ణ అక్షరాలతో లిఖించే సందర్భం ఆసన్నమైందని పేర్కొన్నారు.
25 ఏళ్లుగా వివిధ హోదాల్లో పనిచేసిన స్థానిక ఎమ్మెల్యే ఈ ప్రాంతానికి చేసిన మేలు ఏమాత్రం లేదని విమర్శించారు.
కేవలం ఒక సామాజిక వర్గం మాత్రమే ఇక్కడ అభివృద్ధి చెందగా మిగిలిన అన్ని వర్గాలు తీవ్ర అసంతృప్తితో ఉన్నాయని పేర్కొన్నారు.
ఎన్నికల సమయంలో ప్రజలపై ప్రేమ కురిపించి ఓట్లు కొనుగోలు చేసి గెలిచారన్న విషయాన్ని మర్చిపోకూడదన్నారు.
సొమ్ములు తీయకుండా ఎన్నికలకు సిద్ధపడతారా అంటూ సవాల్ విసిరారు.
డబ్బుతో కొనే అభిమానం ఎంతోకాలం నిలవదని, ప్రజల నుంచి, వారి గుండెల నుంచి ప్రేమ రావాలని వారి బాగోగులు చూసిన వారికే అది సాధ్యమవుతుందని పేర్కొన్నారు.
ప్రస్తుతం మండపేటలో వైకాపా ఫ్యాన్ గాలి విస్తుందని చెప్పారు. ఈ తుఫాన్ లో టిడిపి కొట్టుకుపోతుందని జోస్యం చెప్పారు.
ఈ ప్రచారంలో వైఎస్సార్ సీపీ నాయకులు రెడ్డి రాధాకృష్ణ, వేగుళ్ళ పట్టాభి రామయ్య చౌదరి, టౌన్ కన్వీనర్ ముమ్మిడివరపు బాపిరాజు, సయ్యద్ రబ్బానీ, పప్పుల మసేను వెంకన్న(రేవు శ్రీను), కొమ్ము రాంబాబు, యారమాటి వెంకన్నబాబు, పెంకే గంగాధర్, మీగడ శ్రీనివాస్, కంఠంశెట్టి సత్తిబాబు, కుక్కల రామారావు, కార్యకర్తలు, అభిమానులు, మహిళలు పెద్ద సంఖ్యలో పాల్గొన్నారు.
