మధ్యాహ్న భోజన పథకం కింద ప్రత్యక్ష నగదు బదిలీ
మధ్యాహ్న భోజన పథకం కింద ప్రత్యక్ష నగదు బదిలీకి శ్రీకారం చుట్టనున్న కేంద్రం
లబ్ధి పొందనున్న సుమారు 11.8 కోట్ల విద్యార్థులు
ఇందుకోసం సుమారు రూ .1200 కోట్ల అదనపు నిధులు అందించనున్న కేంద్రం
లాక్ డౌన్ నేపధ్యంలో అన్ని అర్హతగల పిల్లల ప్రత్యేక సంక్షేమ చర్యగా మధ్యాహ్న భోజన పథకంలో భాగంగా వంట వ్యయం కింద ప్రత్యక్ష నగదు బదిలీ (డిబిటి) ద్వారా 11.8 కోట్ల మంది విద్యార్థులకు నగదు సహాయం అందించే ప్రతిపాదనకు కేంద్ర విద్యాశాఖ మంత్రి శ్రీ రమేష్ పోఖ్రియాల్ ‘నిశాంక్’ ఆమోదం తెలిపారు.
లాక్ డౌన్ కారణంగా మధ్యాహ్న భోజనం కార్యక్రమ లబ్ది అందని విద్యార్ధులకు ఇది పూరకంగా నిలువనుంది.
ప్రధాన్ మంత్రి గారిబ్ కళ్యాణ్ అన్నా యోజన (PM-GKAY) కింద దాదాపు 80 కోట్ల మంది లబ్ధిదారులకు నెలకు K 5 కిలోల ఉచిత ఆహార ధాన్యాలు పంపిణీ చేస్తున్నట్లు భారత ప్రభుత్వం ప్రకటించిన విషయం విదితమే, ఈ ఆర్ధిక సహాయం PM-GKAY కి అదనంగా అందించనున్నారు.
ఈ నిర్ణయం పిల్లల పోషక స్థాయిలను కాపాడటానికి మరియు సవాలు చేసే మహమ్మారి కాలంలో వారి రోగనిరోధక శక్తిని కాపాడటానికి సహాయపడుతుందని ఆశాభావం వ్యక్తం చేశారు.
ఇందుకోసం కేంద్ర ప్రభుత్వం రాష్ట్ర ప్రభుత్వాలు, కేంద్ర పాలిత ప్రాంతాల పరిపాలనలకు సుమారు రూ .1200 కోట్ల అదనపు నిధులను అందిస్తుంది.
కేంద్ర ప్రభుత్వ ఈ ఏక కాల ప్రత్యేక సంక్షేమ చర్య దేశవ్యాప్తంగా 11.20 లక్షల ప్రభుత్వ, ప్రభుత్వ సహాయక పాఠశాలల్లో మొదటి తరగతి నుండి ఎనిమిదో తరగతి వరకు చదువుతున్న 11.8 కోట్ల మంది పిల్లలకు ప్రయోజనం చేకూరుస్తుంది.