ఈ – హుండీతో శ్రీ ఎండల మల్లిఖార్జున స్వామికి కానుకలు
ప్రసిద్ధి పుణ్యక్షేత్రం శ్రీ ఎండల మల్లిఖార్జున స్వామి వారి దేవస్థానం లో ఈ – హుండీ సేవలు అందుబాటులోకి తెచ్చారు.
రాష్ట్రంలో గల ప్రధాన ఆలయములతో పాటుగా 6ఏ , 6బి కేటగిరీలో ఉన్న ఆలయములన్నింటిలో ఈ – హుండీ సేవలను దేవదాయ – ధర్మదాయ శాఖ అందుబాటులోకి తీసుకువచ్చింది.
కావున భక్తుల సౌకర్యార్థం 6ఏ విభాగములో ఉన్న శ్రీ ఎండల మల్లిఖార్జున స్వామి వారి దేవస్థానం, రావివలసలో కూడా పూర్తి స్థాయిలో సేవలు ప్రారంభించడమైనది.
కావున శ్రీ స్వామి వారి ఆలయమునకు హుండీలో కానుకలు వేయదలచిన వారు, విరాళములు ఇవ్వదలచిన దాతలు ఆలయమునకు రాకుండానే ఇక మీదట ఆన్ లైన్ ద్వారా శ్రీ స్వామి వారికి సమర్పించవచ్చు.
ఇందుకోసం దేవదాయ శాఖ వెబ్ సైట్ www.tms.ap.gov.in తెరచి మీకు నచ్చిన ఆలయంను ఎంచుకొని, హుండీలో వేయదలచిన ( మొక్కుబడులు ) వారు, విరాళములు ఇవ్వదలచిన దాతలు చెల్లించవచ్చు.
ఈ మేరకు రావివలస శ్రీ ఎండల మల్లిఖార్జున స్వామి వారి దేవస్థానం కార్యనిర్వహణాధికారి, ఒక పత్రికా ప్రకటనలో తెలియజేశారు.
