బీజేపీ ప‌నితీరు గంగూలీ బ్యాటింగ్‌లా ఉంటది: రాజ్‌నాథ్ సింగ్
ప‌శ్చిమ మిడ్నాపూర్‌: ప‌శ్చిమ‌బెంగాల్ అసెంబ్లీ ఎన్నిక‌ల్లో బీజేపీ ప‌నితీరు సౌర‌వ్ గంగూలీ బ్యాటింగ్‌లా ఉంట‌ద‌ని ర‌క్ష‌ణ‌మంత్రి రాజ్‌నాథ్ సింగ్ వ్యాఖ్యానించారు.
సౌర‌బ్ గంగూలీ క్రీజ్ దాటి ముందుకు వ‌చ్చాడంటే సిక్సర్ కొట్టేవాడ‌ని తాము కూడా వెస్ట్ బెంగాల్ అసెంబ్లీ ఎన్నిక‌ల్లో సిక్సర్ కొట్ట‌బోతున్నామ‌ని ఆయ‌న చెప్పారు.
2019 లోక్‌స‌భ ఎన్నిక‌ల్లో ఘ‌న విజ‌యం ద్వారా తాము క్రీజ్ దాటి ముందుకు వ‌చ్చామ‌ని, ఈ అసెంబ్లీ ఎన్నిక‌ల్లో సిక్సర్ కొట్టి ప్ర‌భుత్వాన్ని ఏర్పాటు చేయడం ఖాయ‌మ‌ని రాజ్‌నాథ్ ధీమా వ్య‌క్తంచేశారు.
ప‌శ్చిమ‌బెంగాల్ అసెంబ్లీ ఎన్నిక‌ల ప్ర‌చారంలో భాగంగా రాజ్‌నాథ్ సింగ్ ఇవాళ ప‌శ్చిమ మిడ్నాపూర్‌లో పార్టీ శ్రేణులు ఏర్పాటు చేసిన ఓ బ‌హిరంగ స‌భ‌లో ఓట‌ర్ల‌ను ఉద్దేశించి ప్ర‌సంగించారు.
సౌర‌వ్ గంగూలీ బీజేపీలో చేర‌నున్నార‌నే ఊహాగానాలు వెలువ‌డుతున్న నేప‌థ్యంలో కేంద్ర‌మంత్రి రాజ్‌నాథ్ సింగ్ గంగూలీ పేరును ప్ర‌స్తావిస్తూ వ్యాఖ్య‌లు చేయడం ప్రాధాన్యం సంత‌రించు‌కుంది.
