ఆంధ్రప్రదేశ్లో లాక్డౌన్పై క్లారిటీ ఇచ్చిన సీఎం వైఎస్ జగన్.. ఏమన్నారో తెలుసా..?
దేశవ్యాప్తంగా కరోనాకేసులు భారీగా పెరుగుతున్నాయి. నిత్యం వేలాది కేసులు వెలుగులోకి వస్తున్నాయి. తెలుగు రాష్ట్రాల్లో కూడా కరోనా సెకండ్ వేవ్ భయభ్రాంతులకు గురిచేస్తోంది.
ఈ నేపథ్యంలో ఆంధ్రప్రదేశ్లో లాక్డౌన్ విధిస్తారన్న ఊహగానాలు మొదలయ్యాయి. లాక్డౌన్పై ఏపీ సీఎం జగన్మోహన్ రెడ్డి స్పందించారు.
కరోనా నియంత్రణకు వ్యాక్సినేషన్ ఒక్కటే అస్త్రమని, దీనిపై అధికార యంత్రాంగం మొత్తం దృష్టి సారించాలని జగన్ ఆదేశించారు.
లాక్డౌన్ లేకుండా కోవిడ్ను నియంత్రించాల్సి ఉందంటూ ఆయన స్పష్టం చేశారు. ఈ మేరకు రాష్ట్రంలో ఎలాంటి లాక్డౌన్ ఉండదంటూ సీఎం జగన్ స్పష్టంచేశారు.
ఆర్థిక వ్యవహారాలు దెబ్బతినకుండా ఉండేందుకు లాక్డౌన్ విధించడం లేదని.. గతేడాది లాక్డౌన్ వల్ల ఆర్థిక పరిస్థితి బాగా దెబ్బతిందని పేర్కొన్నారు.
ప్రభుత్వంతోపాటు.. ప్రజలు కూడా ఇబ్బంది పడ్డారని, మళ్లీ ఆ పరిస్థితి రాకూడదంటూ కలెక్టర్లు, ఎస్పీలకు ముఖ్యమంత్రి జగన్మోహన్ రెడ్డి దిశానిర్దేశం చేశారు.